一個幾驚既經歷

今日遇到件事,係一個幾驚既經歷

事源要追溯到一個月前, 某一個朝早, 我返工既時候,有個男仔(應該智商有d問題)問我幾點鐘, 本來我都唔想答佢, 但佢就一直跟住我,又一直同我講野,唯有答完佢就即走

今朝早返工又再撞到佢. 佢原本係我前面,突然望到我,就走過黎, 又問我幾點, 跟住佢show俾我睇佢認得我.又捉住我隻手,叫我同佢做朋友,可唔可以叫我做姐姐.我鬆開隻手, 佢又捉住. 佢可能想送我去地鐵站啦,一路捉住我隻手,一路推我背脊,我唯有行快d,同叫佢唔好跟住我.當我去到地鐵站,唔理咁多即刻跑入去,上車,好彩佢無跟住黎.....

但真係好驚.... 希望唔會再撞到佢啦......唉

睇黎我真係唔係好識點保護自己.........係呢方面真係要學下.........
可能一直認為呢d事係唔會發生係自己身上(因為我覺得多數都係靚女先遇到,點諗到平凡如我既都會遇到先得架)