有second interview啦, 不過竟然係sales, 真係好失望
唯有再努力啦

今日返去北角傾contract
Fran 今次既態度明顯比上一次好左
只少感覺到佢係想傾先啦

今次返到去同左好幾個同事傾計
包括"有一個人"在內
我地都係傾d不著邊際既事
或者我地只可以做到呢個程度啦
講左一陣, 大家都好似無咩講啦
費時自討沒趣,所以我就走啦
無謂攪到大家都唔開心先走啦
但係好奇怪, 我又無咩唔開心
唔知究竟係我反應遲鈍仲未識唔開心定我已經睇透左呢?

What Gender Is Your Brain?

Your Brain is 60.00% Female, 40.00% Male

Your brain is a healthy mix of male and female You are both sensitive and savvy Rational and reasonable, you tend to keep level headed But you also tend to wear your heart on your sleeve

見工

呢兩日見工, 工作性質同依家做既野好唔同
真係未試過見工要作文, 實在太耐無作過文啦
望見題目既時候真係無從入手
感覺好似考會考咁
作得唔好......
今日就見左另一份, 唔駛作文,
不過我腦筋都係轉得唔夠快
有d問題都係答得唔係咁好
希望有機會second interview 啦.......

忍左咁耐, 最後都係打左個sms俾夆搘泥普通野, 佢都覆番d普通野俾我
其實我都唔知咁樣做好唔好
連自己係咪仲等緊我都唔係好攪得清楚
不過sent完個sms之後我就好好訓

轉工??

呢幾日成日係度諗, 自己係咪應該轉工呢
無理由一直做一個唔Techical既Techical Support架
呢樣都唔係我想做既工作
雖然係短短知個幾月學到對客說話既技巧(慢慢問佢地問題所在, 好似偵探咁....哈哈懶係勁咁)
但係真係唔想再浪費時間啦, 真係想學多d有用既野
唔駛好似廿幾歲人, 咩都唔識,
莫講話養父母, 自己都未養得掂

去黃大仙求鑯

上星期日同屋企人去黃大仙求鑯
鑯文講得好準, 就好似講緊我依家既情況咁
(雖然我都係一個幾迷信既人:b)
當然鑯文就係話我依家遇到既事唔係咁好
好奇怪我聽完之後,無唔開心, 反而好似鬆左口氣
或者咁樣講算係俾左個答案我啦
腦筋突然間變得好清晰
唔應該浪費時間去諗點解會有咁既情況出現
而係應該善用時間去做d對自己有益既事, 例如學下野, 打下機(哈哈...relax下都好架)

不過人係咪就係咁架呢?
越係話唔諗就越去諗
雖然無之前咁唔開心
但仍然有少少失落

打SMS

依家有個習慣, 每日坐MTR既時候都會用中文打sms
將個一刻諗到既事, 無論開心唔開心都打哂出黎
跟住save係unsent item度
第二日就將之前o個日既message 除消左吤晶L一張新既
呢個方法既可以練習打中文, 唔開心既野打左落黎好快唔記得,之後又可以delete左帊搥N可以保持日日都開開心心啦

海南島之旅

唔好意思,咁遲先將d相放上網
有興趣可以去睇下^_^

http://community.webshots.com/user/choco_x03

技術支援~~~唉~~~~Chapter 3

呢兩日接到一位驢(盧)小姐既電話
先講番呢位驢小姐既小小資料
佢係某政府部門既員工,之前已經打過黎,佢既聲調可以用死人心電圖黎形容
上次有位同事同驢小姐傾完電話20分鐘之後,down左成日,可想而知佢既聲調有幾大威力
琴日就係我第一次同佢"接觸"(驢馬對話)
驢:我係xx局打電話黎
馬:請問小姐貴姓?
驢:姓驢既
馬:(原來就係呢位驢小姐令我地既同事"阻地"down左成日)驢小姐,請問有幫到你?
驢:我地之前開過會關於###(完全聽唔到佢講咩野)20張紙###50張紙
馬:(唉..根本都聽唔到佢講咩)唔好意思,我聽得唔係咁清楚
驢:我地之前開過會關於fax既page limit, 依家係二十張以下先可以fax,我地需要五十張
馬:(我都無份開會點知喎)咁我有咩可以幫到你?
驢:我想你地轉咯!
馬:(轉車?轉科?定轉會呀??)唔好意思,關於呢方面既意見,我可以幫你轉去customer services度,你可以同佢地反應番
驢:咁咪要等好耐?
馬:(都話幫你轉咯,仲問!!)唔會等好耐架,我依家即刻幫你轉啦.

今日又接到驢小姐既電話
馬:有咩幫到你?
驢:我做search時有error,error code係e18xxxx
馬:咁請問驢小姐個transaction係做到邊度呢?
驢:(態度勁串)咩你睇唔到咩?
馬:(哈哈!我一定睇到你個mon啦,我依家坐係你隔離咩?)唔好意思,咁請問你係見到Customer Information page定 Acknowledgement Page 個時見到error?
驢:我做咁多search點記得"姐"
馬:(好想殺左佢)咁係畫面見到咩野呢?麻煩你係menu度選擇"Go To XXXXX List" 然後繼續你既transaction就得啦
驢:我去部電腦度先.....................
馬:(你唔係部電腦附近問咩鬼野喎)
驢:得啦,我係可以繼續做喇嘛?
馬:當然可以啦....(你可以選擇唔做架喎,我又無迫你唔好做!!)

技術支援~~~唉~~~~Chapter 2

又有d打黎, 我地都未拎起個電話,佢已經講緊佢既account no.啦, 仲要唔係問我地問題, 而係叫我地幫佢轉去第二度
先生,我地係technical support唔係receiption呀!!

有位先生仲攪鬼,佢打電話黎其實係想搵我地manager"傾計", 但總會嘈我地一論先,
有一次係我聽佢既電話
佢問左一d關於windows setting既問題, (講真我係覺得佢打錯黎架)
都同佢講左我地幫佢唔到,
跟住佢就借題發揮嘈左一論,又問(其實進入正題只至真)
c先生:sam生(我地manager)係邊
我: sam生去左開會 (係度都唔話你知啦)
c先生:咁你地呢度仲有無其他manager?
我: 唔好意思,我唔係好清楚 (有好多你搵得哂咩?)
c先生:咁sam生係咪呢度最大?
我:唔好意思,我都唔係好清楚 (呢度最大點都係署長啦,咁都問!!)
c先生:sam生對上仲有無人?
我:唔好意思,我都唔係好清楚(嘩你查佢家宅呀?我相信佢母親大人仲健在)
c先生:你唔好清楚?即係唔知啦?
我:唔好意思,我真係唔係好清楚 (就算知都無必要話你知啦)
c先生:小姐你貴姓呀?
我:我姓馬
c先生:阿馬小姐,你d態度越來越差喎
我:唔好意思 (對住你想好態度都難啦)
c先生:阿馬小姐,你依家係咪唔須氣?
我:唔好意思,係~~對唔住,或者咁啦,sam生開完會我叫佢call返你呀
c先生:你記得叫佢call我!!At the meantime,你要幫我諗辦法解決個問題!!
我:唔好意思,c先生我會儘快復你. (嘩講英文呀,"At the meantime"喎)

之後另一位同事call佢啦,知道原來c先生係嬲sam生唔call佢,所以佢打電話搵我地麻煩
唉~~~私人恩怨關我地咩事喎

To be continue........

技術支援~~~唉~~~~Chapter 1

做技術支援已經幾個星期
我地幾個變得越來越難口
其實都好難怪我地既

呢幾個星期接左好多奇怪既電話
發覺好多人都唔識用電腦
咩叫做IE,Browser,Internet Explorer佢地全部都唔知
我地好似教小學生咁
逐步逐步教佢地點做
其實呢類"學生"都算好架啦
只少聽教先啦

有d淨係識問"xxxx,你明唔明呀??明唔明呀??"
當我地想問得仔細d,佢仍然都係問"明唔明呀??"
小姐!你淨係問"明唔明呀??" 我梗係唔明啦~~~唉

To be continue..........