琴日有人問我係咪蜜運中......... 哈哈........... 真係想答無衰運行已經係萬幸啦............

無論一個人有幾好,或多或少都會有自私既一面. 可能佢未必專登去做些自私既行為,但不自覺就做左出黎啦.一個女仔已經有新既男朋友, 但仍然經常見一個鍾意自己既人. 咁既行為點樣解釋呢?

1. 淨係想做朋友? 我覺得呢個係一個好漂亮既藉口,我開始唔相信呢樣野
2. 想多個人對自己好?又有邊個會拒絕其他人對自己好,除非係好討厭o個個人咋
3. 想拖住先?呢個未必係主要目的,但好多時就變成最後既結果

面對呢個結果,係咪開始懷疑佢究竟想點呢?覺得好似俾人利用咁呢?抑或無論佢係點諗,自己都係會無條件咁對佢咁好呢?點都好啦, 感覺始終唔好受...........

呢種事不停係周圍發生, 但點解人就唔識得學精d,反而識得話人唔識得反省自己都做緊相同既事唉............

怪癖

你已經被點中了。這是個像連環信的遊戲。遊戲細則如下﹕
1. 被點名後，請寫五項個人怪癖或奇怪的嗜好或異於常人的習慣
2. 然後再轉貼五個人（記得要到對方的Blog通知你邀請他加入此活動）
_________________________________________________
我既怪癖

1. 鍾意恐怖既野, 包括恐怖漫畫, 恐怖戲, 恐怖核凸既公仔或Figure, 更鍾意幫佢地影相
2. 返屋企第一事就要換衫, 仲要係有咁鬆身得咁鬆身, 跟住開電腦,ICQ, MSN, 跟住就出廳搵野食
3. 可能既話, 一定會係食飯後沖涼, ?身前一定用凍水先淋身
4. 好鍾意訓覺...可以一日訓十幾個鐘
5. 發好多奇怪既夢....阿媽變左怪獸追殺我...自己頭上面生左對兔隻耳......遇到海瀟又浸唔死仲要掛住個電話

_________________________________________________

我係咪真係一個怪人?hmm....