重新出發

阿妹今日返去澳洲啦
聽日表弟又走啦
熱熱鬧鬧既屋企又回復平靜
突然好似所有野又回到我剛剛係澳洲返黎個時咁

一於係三月整理好自己重新出發

This is the life we have recently~ hai.....

琴晚發左個唔係咁開心既夢
今日起身又唔係咁舒服
食完藥之後又眼訓
係訓之前又打左個電話
對唔住我真係無咩耐性
唔知點解我覺得無論等幾耐個答案都會係一樣
所以我放棄等待啦
呢一通將會係最後一通電話

終於整番好部電腦啦

終於整番好部電腦啦
呢樣係呢個星期最開心既事
不過我又做左d好蠢既事

星期二晚部電腦禁極都禁唔著
咁我估應該係個火牛壞左
星期四放工就去買左個火牛
返到屋企抆哂舊火牛d線
換個新火牛落去
駁左落底板
插左mon之後
都係禁極都禁唔著
心諗今次死啦,唔通壞底板
即刻打電話俾個friend問點算
佢就黎左幫我睇下咩事
佢見到部機就話我
"小姐你咁樣叫做check機咩
keyboard又唔插,仲有火牛都未開掣
咁點會著啊"
哈哈....我真係好耐未試過咁朦

好悶呀

好悶呀
真係好想放假抖下
又或者搵一樣野令我可以專心去做
咩都唔駛理
咩都唔想諗唔駛煩
真係想快d整番好部電腦

好黑仔

今年真係好黑仔
年頭先有血光之災
整傷哂手手腳腳
之後又有d唔開心既事
做technical support又俾人?(雖然係唔好影響到我)
昨晚電腦又壞左
唉......

今日

今日我覺得自己好正常
照常返工,同同事傾計玩,
好似好開心,無野咁
正常到連自己都覺得有點可怕

不過當我靜番落黎再想下究竟自己係咪真係無野呢
又可以好清楚答到唔係
只係比我想像中控制得好
絕唔以因自己情緒影響到工作

兩個人相處是一門學問

兩個人相處是一門學問
對人好,未必人人接受得到

我唔係想怪責或怨任何人
只不過有點感嘆罷了
感嘆為何相似既事情再一次發生
何解......

擁有....失去......

每次當我以為擁有既時候
又好似會再次失去

係咪注定我根本唔會擁有

如果呢個係必然既話

我寧願不曾擁有過

就唔會有失去既傷痛