QGO 趣事

貓生與蘋果
話說今日蘋果問我熟唔熟CVS, 咁我話唔熟。我正想同佢講Felix熟d,點知佢就好順口咁問"阿貓,你熟唔熟呀?" 我即刻唔識出聲, 淨係開左個口。 咁Felix都照教佢,不過教完之後佢加左句"我唔係叫阿貓呀 "。咁蘋果即刻走開左,我不停忍笑。到蘋果行黎我身邊既時候,我地已經忍唔到笑左出黎。最攪笑係, Felix之後仲問我"你地做咩笑到咁?"...我差d笑死左。

阿中與楊博士
我地話下星期三食buffet,阿中就話"我食唔慣d咁貴既野架, 我淨係可以食d cheap野"
我地咪話唔理你啦, 咁楊博士都sent左email 話唔去啦。 下午青蛙又問阿中決定成點,跟住佢就話楊博士都唔去啦,楊博士就應佢"阿中份人無咩點, 係仆街左d姐" 楊博士好掂呀!!

懶惰的我與勤奮的中
阿中係圖書館借左本書, 佢睇完就叫我睇, 其實我又衰既, 睇得慢, 又掛住玩, 得閒又去青蛙個位度傾計, 跟住有一次佢走過黎講"叫你讀書又唔讀, 成日群埋呢d人" ..... 睇黎佢真係想死~~
今日我同青蛙睇緊花姐個web site...正睇得開心之際....佢sent msn黎.....又話我地不務正業,又sent個emotion icon 係 "on9"... and "on99"
我地即時係呢個表情 -_-"...跟住大笑....估唔到阿中會keep咁既icon....

無奈...超無奈
好似係上個星期, 咁情人節就到,好多訂花既傳單啦, 青蛙就拎左一張返黎
佢地都?住呢張野玩左好耐, 最後就放左係阿中檯面....
阿中拎住張野, 放係我面前, 同我講"你睇下鍾意邊束啦"...
我咪轉頭望住佢咯... 好奇怪佢會講d咁既野架嘛 點知....佢跟住就講"你自己打電話去訂啦! ", 我即刻掟番俾佢話"我唔要呀!!"....真係想殺左佢

年初一

年初一, 希望各位女士好似牡丹咁靚, 男士就事業大紅大紫










好可愛既表侄仔, 一見到鏡頭就會走埋黎, 影完仲要即刻睇番靚唔靚, 唔靚仲要再影過







好可愛既妹妹(我妹妹,係咪同我唔似樣呢?)同好可愛狗狗...









仲有隻好大既狗狗咯~

年廿八, 行花市

年廿八夜晚, 係銅鑼灣街上面有幾多人


花市入口, 人山人海, 好迫呀....

o個晚仲見到長毛添, 賣緊佢至愛既 T-shirt 啦..




表姐表弟手上係佢地一部份既戰利品...呵呵

敵視你半天遊

呢張起名<<阿伯>>
阿伯拎住個DV係咪好型呢?見唔見到阿伯笑緊呀?淨係俾三分面你睇, 保持神秘感~動作自然, 隻手微微舉起部DV, 準備拍片.....構圖簡直完美啦......見唔見到後面有隻象呢?

其實.......我係想影隻象架.....阿伯, 你都好識搶位"姐".....攪到我好似影個三唔識七既阿伯, 仲要影得唔錯喎.....激死.\_/.

(to be continue)

原來聖誕, 新年同生日加埋我收左咁多禮物, 真係好耐(定係從未??)收過咁多禮物。真係好多謝咁多位對我既愛鍚, 俾左一個驚喜又開心既生日, 感動又快樂既新年。在此祝大家新年快樂, 事事順利....

星期五.....黑色既.....呵呵.....我生日

話說星期一uat, 今日楊博士同隊長就整理緊個場, 咁唔知楊博士想攪咩野啦,貓生就話 "你唔好攪"林"左個場,如果唔係你唔駛只意聽日上到機!"...跟住楊博士就話"咁大鑊?"...隊長就話"唔緊要, 你上唔到機返黎做, 我陪你!"隊長真係夠朋友.....*_*"

==============================================

今朝早睇左篇文章關於香港人講野有懶音

"香港中文大學中國語言及文學系導師歐陽偉豪博士表示，由於粵語是香港人的母語，從小 開始，家長教導孩子說粵語時，多只注重詞彙的內容，很少講究詞彙所表達的形式，即是發音。「學廣東話，跟學普通話、英語或法語不同，我們很少先由拼音或一套特別的語法學起，家長教孩子講廣東話時，往往注重詞彙的內容多於孩子的發音。」"。

其實我都覺得自己有懶音呢個問題, 不過咁岩又聽到貓生話楊博士 "你唔好攪UAT個谷呀!!" 跟住我諗咩谷呀,唔通UAT都有newsgroup (谷)....點知原來佢係想講 Privilege "Group"

==============================================

收到一份好驚喜既生日禮物, 今朝早花店送左束花黎, 我從未試過咁樣收花...除左畢業個時同今年新年, 我都未收過花。確實係一份好驚喜又好感動既生日禮物。仲引起同事們既討論.....大家都估緊係邊個送既....

隊長同楊博士, 阿堅就開始傾啦.... 點解會送呢種花(類似太陽花),因為玫瑰太老肚咯...咁點解束花係呢個size, 因為咁既size岩女仔拎咯.....點解唔送束大d呢, 駛咩女仔拎喎, 梗係個男仔接放工既時候幫個女仔拎啦, 又或者個男仔開車黎, 放束花係車度, 然後去行街食飯, 送個女仔返屋企既時候, 幫佢拎住架嘛....佢地好興奮咁係咁講,又係咁答.......

阿中仲攪笑.... 佢行過就問我, 邊個送架....跟住我叫佢估下....佢話"梗係安神送架啦"....又走去同安神話,點解你買呢d花呀.....下午達哥行過, 跟住同我講束花好靚.... 跟住阿中就話... 唔通係達哥買既?.......係咪邊個經過就估邊個呢?唉......

==============================================

大王同我講生日快樂, 我問佢得唔得閒黎食飯, 好似好耐無見, 可惜佢唔得閒, 不過下星期會過黎呢邊兩日, 到時可以俾生日禮物我,.... 我話好開心喎.... 佢話 present = kiss, 我就話好期待呀....佢就話影低個一刻, 等我無得後悔..... 我話咁等我upload上blog度同大家一齊分享咁重要既時刻先......

==============================================

知唔知IVRS既中文係咩呢?......應該係"互動語音反應系統 ".......不過, 楊博士話係"人肉扮聲查詢系統"...... 真係好夠創意

同事語錄

1. 琴日朝早, 阿中走出清明房之後, 外面傳黎一陣好大既?鼻涕聲....跟住楊博士就話"做咩要走出去先放屁既?咁大聲, 阿中果然不同凡響"
   
2. 楊博士同隊長傾緊一個電視廣告, 內容係關於子宮頸癌, 係廣告裡面有不同年齡既女性走出黎講野...例如一個中年婦人講 "我老公係我初戀情人..", 一個阿婆講 "我咁老, 無理由關我事既...", 跟住楊博士就話 "呢個廣告好鬼攪笑, 應該選為十大廣告啦.... 連我呢d無子宮(跟住樹起手指公)既人都咁記得", 隊長就話 "點解你地會留意d咁既廣告架?"
   
3. 琴晚放工, 同亨利黃一齊走, 咁佢就同我講有隻SCR都幾煩, 70日做唔做得哂, 我就問有幾多天要改先, 佢話都有好似好多野要改, 不過都要睇下個 List 先可以答到我.咁今朝早返到黎公司, 亨利黃就即刻同我講原來淨係得4隻要做, 咁我就問係咪都係俾咁多日我做呀, 貓生居然答咀話"唔係呀, 今日落Build呀!" 我即刻話 "?? 咁我依家請 Sick leave 啦" 但估唔到貓生都同我地講笑...呵呵...
   
4. 死人阿中問星期六幾度..... 我問係咪凍得"仔"你唔出黎呀.... 佢話視乎情形喎..... 可能相反...... 咁咪問係咪熱得"仔"唔出黎呀.... 佢又話視乎情形...咁我咪上yahoo check 天氣咯..... 18-22c...唔凍唔熱啦..... 跟住佢話好難講架.... 都係要睇下個日點先.........我同佢講"你唔出黎, 我地就上你屋企,同伯母講我地搵阿中", 佢話個度無地方打邊爐.... 我話係你屋企打咯....好想殺左佢

今日坐地鐵, 見到一個好靚仔既鬼仔(都唔係仔架啦, 應該係佬), 佢坐係我隔離。佢有一對好靚既手, 佢一路玩手指, 而我就一路望住佢對手,心諗"真係一對好靚既手".......坐左兩三個站, 佢就落左車.....無得睇啦